पोखरा- निर्माणाधिन पोखरा अन्तर्राष्ट्रिय विमानस्थलको डिजाईन टुंगो लागेको छ। बुधबार एक कार्यक्रमकाबीच एयरपोर्टको डिजाईन सार्वजनिक गरिएको हो । एयरपोर्टको टर्मिनल भवनको काम पनि बुधबारदेखि सुरु भएको छ।
टर्मिनल भवनको पर्यटन तथा नागरिक उड्डयन मन्त्री रवीन्द्र अधिकारीले बुधबार पूजापाठसहित शिलान्यास गरे। निर्माणको शिलान्यास भएको करीब डेढ बर्षपछि टर्मिनल भवनको डिजाईन पूरा भएको हो। २०७३ साल वैशाख १ गते तत्कालिन प्रधानमन्त्री केपी शर्मा ओलीले एयरपोर्टको शिलान्यास गरेका थिए।
सो टर्मिनल भवन जुलाई २०२० सम्ममा निर्माण पूरा गरिने जनाईएको छ। निर्माण कम्पनीका अनुसार कुल १४ हजार वर्ग मिटरको टर्मिनल भवन बन्नेछ।
त्यस्तै, आगामी असोज महिनादेखि विमानस्थलको रनवे पनि निर्माण गर्न सुरु गरिने भएको छ।निर्माणाधीन पोखरा विमानस्थलको रन वे २०१९ को जुलाई सम्ममा कार्य सम्पन्न गरिने जनाइएको छ।
त्यस्तै, आगामी असोज महिनादेखि विमानस्थलको रनवे पनि निर्माण गर्न सुरु गरिने भएको छ।निर्माणाधीन पोखरा विमानस्थलको रन वे २०१९ को जुलाई सम्ममा कार्य सम्पन्न गरिने जनाइएको छ।
सन् २०१९ बाटै यो रनवे आकस्मिक अवतरणको लागि सञ्चालनमा ल्याइने मन्त्री अधिकारीले जानकारी दिए।उनले पोखरा विमानस्थलको काम तीब्र गतिमा अगागि बढिरहेकोले सम्झौताअनुसार नै २०२१ सम्ममा पूर्ण रुपमा सञ्चालनमा आउने बताए।
सन् २०२० जुलाई सम्ममा काम सक्ने लक्ष्य लिइएको एयरपोर्ट निर्माणको काम विभिन्न कारण देखाउँदै एक बर्ष थप गरिएको छ । सन् २०२१ को जुलाई पहिलो तारिखमा निर्माण कम्पनीले सरकारलाई एयरपोर्ट हस्तान्तरण गर्ने र सोही दिनदेखि विमानबाट उडान भर्ने नागरिक उड्ययन प्राधिकरणले जनाएको छ ।
सोही अवसरमा संस्कृति पर्यटन तथा नागरिक उड्ययन मन्त्री रवीन्द्र अधिकारीले पोखरा विमानस्थल निर्माणका लागि थप जग्गा अधिग्रहणका नगर्ने बताएका छन्। उनले स्थानिय बासीको भावना विपरीत कुनै पनि कार्य नगर्ने बताए।थप जग्गा अधिग्रहणको हल्ला फिजाएर निर्माणस्थलको कार्यलाई प्रभावित बनाउन खोजिएको भन्दै उनले भने- ‘विमानस्थलका लागि थप जग्गा आवश्यक नपर्ने भएकाले ढुक्क हुन स्थानीयलाइ आग्रह गरे।’
उनले पेट्रोल भण्डारण र हृयांगरका लागि जग्गा चाहिए विमानस्थलभित्रै बनाउन सकिने र थप जग्गा चाहिए स्थानीयलाई चित्त बुझाएर खरिद गरीने जानकारी दिए। उनले भने ‘आवश्यक भए पनि स्थानीयको चित्त बुझाएर मात्रै जग्गा अधिग्रहण हुने भन्दै हल्लाको पछि नलाग्नुहोस्।’
मन्त्री अधिकारीले पोखराको भौगोकि धरातलमा ठूलठूला बोइ उडाउन सम्भव नभएको भन्दै १९२ देखि २०० सिट क्षमताको जहाज त २५०० मिटरको रन-वे आउने भएकाले थप जग्गा अधिग्रहण आवश्यक नरहेको स्पष्ट पारे।
विमानस्थलका लागि पेट्रोल भण्डारण र हृयांगरका लागि जग्गा अधिग्रहण गर्ने हल्ला चलेपछि स्थानीयले आक्रोश ब्यक्त गरेका थिए भने प्रदेश सभामा समेत सांसदहरुले आवाज उठाएका थिए।
0 Comment:
Post a Comment